Jákvætt mataruppeldi-betra líf- Fræðslufundur
Kæru foreldrar grunnskólabarna í Garðabæ
Árlegur fræðslufundur Grunnstoðar Garðabæjar verður þriðjudaginn 16. apríl í hátíðarsal Sjálandsskóla, Löngulínu 8, Garðabæ, frá kl: 20:00 til 22:00. Fræðslufundurinn er opinn öllum foreldrum í Garðabæ og bjóðum við foreldra barna í Álftanesskóla sérstaklega velkomna.
Komdu fróðari heim um hvernig þú getur, með einföldum hætti, hjálpað þér og þínum í átt að betra lífi. Aðgangur er ókeypis og léttar veitingar í boði.
Gerum Betur
Jákvætt mataruppeldi – Betra líf
Steinar Birgir Aðalbjörnsson, næringafræðingur
Njótum lífsins
Steinar fjallar á gamansaman hátt um mikilvægi þess að hafa gaman að mataræðinu og njóta lífsins um leið og við höldum í heiðri hóflegu mataræði og heilbrigðri hreyfinu. Látum óvönduð vinnubrögð markaðsmanna, misvísandi skilaboð, mýtur og útlitsdýrkun lönd og leið og einbeitum okkur að því að auka lífsgleði og lífsgæði á heilbrigðan hátt.
Ebba Guðný Guðmundsdóttir - Pure Ebba
Hvað á ég að gefa barninu mínu að borða
Hin stórskemmtilega Ebba Guðný talar hér á mannamáli um undirstöðuatriði góðrar heilsu og hvernig við getum með einföldum hætti hjálpað börnunum okkar, í gegnum jákvætt mataruppeldi, að verða besta eintakið af sjálfum sér, svo þau geti ávallt notið sín í leik og starfi, haft þrek, kraft og gleði til að sinna verkefnum framtíðarinnar.
Dagskrá:
20:00 Setning og ávarp formanns
20:05 Fulltrúi frá skólanefnd Garðabæjar
Áherslur og viðmið bæjarins varðandi skólamálsverði
20:20 Steinar Birgir Aðalbjörnsson, sálfræðingur
Njótum lífsins
21:05 Hlé með hollum og gómsætum veitingum
21:20 Ebba Guðný Guðmundsdóttir – Pure Ebba
Hvað á ég að gefa barninu mínu að borða
22:00 Fundarslit
Með kærri kveðju,
Grunnstoð Garðabæjar
http://www.facebook.com/Grunnstod.Gardabaejar
Grunnstoð Garðabæjar er samstarfsvettvangur allra foreldrafélaga og skólaráða í grunnskólum Garðabæjar. Grunnstoð Garðabæjar sér um skipulagningu og framkvæmd árlega Gerum betur fræðslufundarins sem styrktur er af Garðabæ.