Körfuboltakeppni kennara og nemenda

Einu sinni ríkti sú hefð í Sjálandsskóla að nemendur í unglingadeild kepptu á móti starfsfólki skólans í fótbolta einu sinni á hverju skólaári.

Í byrjun þessa skólaárs kom hugmynd frá nemendum að við myndum breyta hefðinni og fara í körfubolta í stað fótbolta. Og að við myndum keppa einu sinni í mánuði í staðinn fyrir einu sinni á skólaári.

Kennurum fannst hugmyndin frábær og allir sem höfðu áhuga á að taka þátt gátu skráð sig á blað.

Keppt er í íþróttahúsi skólans í hádeginu á fimmtudögum. Tveir leikir hafa farið fram núna í haust og hafa kennarar unnið báða leikina. .

En það er bara tímaspursmál hvenær nemendur fara að valta yfir okkur starfsfólkið :-)

Á myndasíðunni má sjá myndir frá körfuboltakeppninni