Síðasta fimmtudag var árshátíð unglingadeildar haldin í skólanum. Að venju gengu nemendur í 8.-10.bekk um skólann á meðan á kennslu stóð og vöktu athygli yngri nemenda á árshátíðinni. Um kvöldið var svo árshátíðin haldin í sal skólans

Í dag fengu allir nemendur í 1.bekk hjálma að gjöf frá Kiwanis. Nemendur voru að vonum ánægðir með nýju hjálmana sína og voru um leið minntir á mikilvægi þess að nota alltaf hjálm á hjóli.

Í morgun fengum við að heyra frumsamin tónlistaratriði frá nemendum í 6.bekk. Þau spiluðu á öll hljóðfærin og sungu texta úr Völuspá. Verkefnið eru unnið í samþættingu við þemað um Snorra Sturluson.

Nýsköpunarkeppni grunnskólanna er haldin árlega og geta nemendur í 5.-7.bekk tekið þátt með því að senda inn hugmyndir. Nokkrar hugmyndir eru valdar til að taka þátt í úrslitum og tveir nemendur Sjálandsskóla komust í úrslit í ár. Það eru þeir Birkir...

Nú þegar farið er að vora þá færast íþróttatímarnir út á skólalóð. Nemendur þurfa að koma klæddir eftir veðri þá daga sem íþróttir eru á stundartöflu. Ef veður verður afleitt, þá verða íþróttatímarnir inni í íþróttahúsi.

Í góða veðrinu í morgun fóru nemendur í 7.bekk út á kajak. Skipt var í tvo hópa og nemendur réru frá skólanum út á Arnanes þar sem siglt var að landi og borðað nesti áður en haldið var aftur að skólanum.

Nú eru komnar nýjar myndir frá útikennslu í 4.bekk síðustu vikur. Þar má m.a.sjá myndir frá umhverfisviku og fjöruferð

Í þessari viku fóru nemendur í 5. bekk á skemmtilega sýningu í Þjóðminjasafninu á útikennsludeginum. Þar fengu krakkarnir fræðslu um miðaldir. Á leiðinni var komið við í Hljómskálagarðinum og nemendur léku sér í rigninunni og borðuðu nesti

Þessa vikuna eru fulltrúar Menntamálastofnunar að framkvæma ytra mat í skólanum. Í því felst að matsaðilar Menntamálastofnunar leggja mat á starfsemi skólans með hliðsjón af gildandi viðmiðum sem meðal annars byggja á lögum, reglugerðum og...