Nú eru komnar nýjar myndir frá útikennslu í 2.bekk inn á myndasíðu skólans.

Við viljum vekja athygli á Facebook síðu Sjálandsskóla. Þar er hægt að fylgjast með því helsta sem sett er á heimasíðu skólans.

Í morgun fengum við að sjá söngleikinn Annie, sem leikfélag Klakans sýndi. Sýningin var glæsileg og krakkarnir stóðu sig vel í þessum skemmtilega söngleik sem gerist í New York á fyrri hluta síðustu aldar

Í næstu viku er fyrirhuguð dagsferð nemenda Sjálandsskóla í Bláfjöll. Nemendum verður skipt í tvo hópa. Stefnt er á að 5.-7. bekkur fari miðvikudaginn 2. mars en 1.-4. bekkur þriðjudaginn 1. mars. Allir nemendur í 1.-7. bekk fara í vetrarferðina.

Leikfélag Klakans frumsýnir söngleikinn Annie, á föstudaginn. Sýningar verða í hátíðarsal Sjálandsskóla og eru allir hvattir til að sjá þessa áhugaverðu sýningu sem nemendur hafa verið að æfa undanfarið.

Næstu viku er vetrarleyfi í Sjálandsskóla​. Á mánudaginn (15.feb.) er starfsdagur og vetrarleyfi þriðjudag til föstudags (16.-19.feb.). Nemendur mæta aftur í skólann mánudaginn 22.febrúar.

Síðustu vikur hafa nemendur í 1. og 2.bekk verið að æfa Kardimommubæinn og héldu þau sýningu fyrir foreldra í gær og fyrir nemendur skólans í morgun.

Á mánudaginn fóru fyrstu vinaliðarnir úr Sjálandsskóla á leikjanámskeið í tengslum við vinaliðaverkefnið ásamt vinaliðum úr Kársnesskóla í Kópavogi, þar sem þeir lærðu leiki og fengu fræðslu um hlutverk sitt.

Í gær héldum við uppá öskudaginn með pompi og prakt. Nemendur komu í skólann í alls konar búningum og skemmtu sér vel fram að hádegi.

Alþjóðlegi netöryggisdagurinn er í dag og af því tilefni standa Heimili og skóli og SAFT fyrir ráðstefnu og málþingi í sal Menntavísindasviðs Háskóla Íslands, Bratta.

Í morgunsöng spilaði hljómsveitin Cobus, sem skipuð er nemendum í 9.og 10.bekk Sjálandsskóla og 7.bekk Alþjóðaskólans​. Þetta eru þeir Jakob Fjólar, Karl Magnús, Ísak, Trausti og Viktor.

Vinaliðar er nýtt verkefni hjá okkur í Sjálandsskóla sem nemendur í 1.-7.bekk taka þátt í. Vinaliðaverkefnið gengur út á það að hvetja nemendur til meiri þátttöku í afþreyingu í frímínútunum og skapa betri skólaanda.