Síðasti dagur átaksins "Göngum í skólann" var í dag og af því tilefni gengu nemendur og starfsfólk stóran hring um nágrenni skólans. Genginn var sami hringur og þegar átakið hófst en farinn öfugur hringur.

Nemendur í 10.bekk hafa verið að læra um rafmagn og rafrásir undanfarið. Í dag voru þeir að lóða og búa til rafrásir í eðlisfræðitímanum.

Þessa vikuna eru nemendur í 7.bekk á skólabúðunum á Reykjum. Þar dvelja þau fram á föstudag og taka þátt í fjölbreyttu skólastarfi sem þar fer fram.

Nemendur í 2.bekk hafa brallað ýmislegt í útikennslu núna í haust. Á myndasíðu bekkjarins má sjá nokkrar myndir frá útikennslunni.

Nemendur í 3.bekk tóku í dag þátt í Friðarhlaupi Chinmoy. Fulltrúar félagsins komu með friðarkyndil og fengu nemendur að hlaupa með kyndilinn í íþróttasalnum.

Nemendur í 9.og 10.bekk Sjálandsskóla tóku þátt í sýningunni Twisted Forest eftir danska leikhópinn Wunderland. Þessi sýning byggir á þátttöku nemenda í verkinu sem fór fram fyrir utan venjulega göngustíga í Heiðmörk

Það var blíðskaparveður í Guðmundarlundi í dag þegar nemendur Sjálandsskóla fóru í árlega haustferð þangað. Krakkarnir fóru í leiki, nutu veðurblíðunnar og fengu svo grillaðar pylsur í hádeginu.

Nemendur í 10. bekk hafa verið að vinna með krafta og hreyfingu í eðlisfræðitímum þessa vikuna. Þeir fengu það verkefni að hanna og gera bíl úr pappa sem átti ýmist að komast sem lengst eða hraðast eftir beinni braut.

Sjálandskóli tekur þátt í verkefninu "Göngum í skólann" sem hefst á morgun, miðvikudaginn 6.september. Skóladagurinn hefst þá á sameiginlegri göngu um nágrenni skólans.

Í góða veðrinu þessa fyrstu daga skólaársins fóru nemendur á miðstig út á kajak. Á hverju hausti fá allir nemendur í 5.-7.bekk tækifæri til að prófa kajak. Skólinn á nokkra kajaka sem eru mikið notaðir bæði á haustin og vorin, þegar veður leyfir.

Fræðslufundur um lestrarkennslu verður haldinn fyrir foreldra og forráðamenn nemenda í 1.bekk, þriðjudaginn 29.ágúst kl.20:00

Í dag var skólasetning í Sjálandsskóla á þessum fallega sumardegi þar sem umsjónarkennarar tóku á móti nemendum og foreldrum/forráðamönnum. Skólastarf vetrarins var kynnt og farið yfir helstu atriði varðandi skólasókn, námsefni og fleira.